హస్తినకు సీఎం చంద్రబాబు.. ఒకరోజు ఢిల్లీ పర్యటన!

విజయవాడ, అక్టోబర్ 24: ఆంధ్రప్రదేశ్ ముఖ్యమంత్రి నారా చంద్రబాబు నాయుడు శనివారం ఢిల్లీ పర్యటనకు వెళ్లనున్నారు. ఉండవల్లిలోని తన నివాసం నుంచి గన్నవరం విమానాశ్రయానికి చేరుకుని అక్కడి నుంచి ప్రత్యేక విమానంలో ఢిల్లీకి బయలుదేరనున్నారు. అందిన సమాచారం ప్రకారం ఢిల్లీలో జీఎస్టీకి సంబంధించిన ఓ కార్యక్రమంలో ముఖ్యమంత్రి పాల్గొననున్నారు. పర్యటన ముగించుకుని తిరిగి అదే రోజు రాష్ట్రానికి చేరుకునేలా షెడ్యూల్ రూపొందించారు. ముఖ్యమంత్రి పర్యటనలో భాగంగా అక్కడ మధ్యాహ్నం 3.45 గంటలకు ప్రారంభమయ్యే కార్యక్రమంలో పాల్గొననున్నట్లు సమాచారం. రాత్రికి ఢిల్లీ నుంచి గన్నవరం విమానాశ్రయానికి చేరుకుని, అక్కడి నుంచి ఉండవల్లిలోని నివాసానికి తిరిగి వెళ్లనున్నారు.