పెట్రోల్ కోసం రచ్చ.. సిబ్బందిపై దాడి!

విజయవాడ, అక్టోబర్ 24: విజయవాడలోని కలెక్టరేట్ పెట్రోల్ బంక్ వద్ద పెట్రోల్ పోసే విషయంలో వివాదం చోటుచేసుకుంది. విజయవాడ నగరపాలక సంస్థ వాహనాలకు పెట్రోల్ పోస్తున్న సమయంలో ముగ్గురు వ్యక్తులు అక్కడికి వచ్చి తమ వాహనాలకు కూడా పెట్రోల్ పోయాలని కోరారు. అయితే, ఆ సమయంలో పెట్రోల్ పోసేందుకు అవకాశం లేదని, మరో బంకుకు వెళ్లాలని సిబ్బంది సూచించారు. దీంతో ఆగ్రహానికి గురైన ముగ్గురు వ్యక్తులు పెట్రోల్ బంక్ సిబ్బందిపై దాడికి పాల్పడినట్లు సమాచారం. ఘటనపై బాధితుల ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.