68 ఏళ్ల వయసులో ఎన్నికల బరిలోకి వృద్ధురాలు!

అన్నమయ్య జిల్లా, అక్టోబర్ 24: వయసు మీదపడినా, నడవలేని పరిస్థితుల్లో ఉన్నా ప్రజాప్రతినిధిగా ఎన్నికవ్వాలనే సంకల్పంతో 68 ఏళ్ల వృద్ధురాలు ఎన్నికల బరిలోకి దిగారు. అన్నమయ్య జిల్లాలోని చిన్నతిప్పసముద్రం మండల పరిధిలోని మొదటి ఎంపీటీసీ స్థానానికి జనసేన పార్టీ అభ్యర్థిగా ఉత్తమ్మ నామినేషన్ దాఖలు చేశారు. వయోభారంతో నడవడానికి ఇబ్బందులు పడుతున్నప్పటికీ ఆమె నామినేషన్ వేసేందుకు ఆటోలో బయలుదేరారు. జనసేన నాయకులు ఆమెను ఆటోలో తీసుకెళ్లి నామినేషన్ ప్రక్రియను పూర్తి చేయించారు. ఈ ఎంపీటీసీ స్థానం జనరల్ మహిళలకు రిజర్వు కావడంతో ఉత్తమ్మను పార్టీ తరఫున బరిలోకి దించినట్లు సమాచారం. ఆమె నామినేషన్ దాఖలు చేయడం స్థానికంగా ఆసక్తికరంగా మారింది.