కేసీఆర్ చేసినన్ని యాగాలు ఎవరూ చేయలేరు: కేటీఆర్

హైదరాబాద్: కాంగ్రెస్ నేతలు నిర్వహిస్తున్న వరుణ యాగాలపై బీఆర్ఎస్ వర్కింగ్ ప్రెసిడెంట్ కేటీఆర్ స్పందించారు. కేసీఆర్ చేసినన్ని యాగాలు ఎవరూ చేయలేరని ఆయన వ్యాఖ్యానించారు. దైవకృపను కోరుకోవడంతో పాటు ప్రభుత్వం తనవంతు ప్రయత్నం కూడా చేయాల్సిన అవసరం ఉందన్నారు. భగవంతుడిని ప్రార్థించడం తప్పు కాదని, అయితే పూజలు, యాగాలతోనే సరిపెట్టకుండా ప్రజల పట్ల ప్రభుత్వం తన బాధ్యతను సమర్థంగా నిర్వర్తించాలని కేటీఆర్ సూచించారు.