అస్త్రం' యాప్ ప్రతి ఆటోలో ఉండాలి.. ప్రజల భద్రతే లక్ష్యం: త్రీ ట్రాఫిక్ సీఐ సుధాకర్

విజయవాడ ఆగస్టు 6 (వీ10 టీవీ):ప్రజల భద్రతను మరింత పటిష్టం చేయడమే ఆంధ్రప్రదేశ్ పోలీస్ శాఖ రూపొందించిన 'అస్త్రం' యాప్ ప్రధాన ఉద్దేశమని త్రీ ట్రాఫిక్ సీఐ సుధాకర్ తెలిపారు. విజయవాడ రైల్వే స్టేషన్ వద్ద ఆర్‌ఎస్‌ఐ కుమార్, ట్రాఫిక్ సిబ్బందితో కలిసి ఆటోరిక్షాల్లో అస్త్రం క్యూఆర్ కోడ్ స్టిక్కర్లను అతికించి అవగాహన కార్యక్రమాన్ని నిర్వహించారు. ఈ సందర్భంగా సీఐ సుధాకర్ మాట్లాడుతూ, "ప్రతి ఆటో డ్రైవర్ అస్త్రం యాప్‌ను

తప్పనిసరిగా డౌన్‌లోడ్ చేసుకుని వినియోగించాలి. ఆటోల్లో ఏర్పాటు చేస్తున్న క్యూఆర్ కోడ్‌ను స్కాన్ చేయడం ద్వారా ప్రయాణికులు కూడా యాప్‌ను సులభంగా ఇన్‌స్టాల్ చేసుకోవచ్చు. అత్యవసర పరిస్థితుల్లో ఒకే క్లిక్‌తో పోలీసులకు సమాచారం అందించి తక్షణ సహాయం పొందే అవకాశం ఈ యాప్ ద్వారా ఉంటుంది. మహిళలు, విద్యార్థులు, వృద్ధులు సహా ప్రతి ఒక్కరూ అస్త్రం యాప్‌ను వినియోగించి తమ భద్రతను మరింత బలోపేతం చేసుకోవాలి" అని అన్నారు.