86వ డివిజన్‌లో వైసీపీ అభ్యర్థి తిరుపతమ్మ ఇంటింటి ప్రచారం

పాయకాపురం, అక్టోబర్ 27 : విజయవాడ నగరపాలక సంస్థ ఎన్నికల నేపథ్యంలో 86వ డివిజన్ వైఎస్సార్ కాంగ్రెస్ పార్టీ కార్పొరేటర్ అభ్యర్థి వై. తిరుపతమ్మ మంగళవారం డివిజన్ పరిధిలో ఇంటింటి ఎన్నికల ప్రచారం నిర్వహించారు. స్థానిక ప్రజలను నేరుగా కలుసుకుని ఫ్యాను గుర్తుకు ఓటు వేసి తనను గెలిపించాలని అభ్యర్థించారు. ఈ సందర్భంగా డివిజన్‌లోని ప్రజలతో మాట్లాడి వారి సమస్యలను అడిగి తెలుసుకున్నారు. ప్రజలకు అందుబాటులో ఉంటూ స్థానిక సమస్యల పరిష్కారానికి కృషి చేస్తానని తెలిపారు. ఈ ప్రచార కార్యక్రమంలో వైఎస్సార్ కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.