మెరుగైన వైద్యానికి రూ.9.74 లక్షల చేయూత!

విజయవాడ, నవంబర్ 10 : అనారోగ్యంతో బాధపడుతూ మెరుగైన వైద్య చికిత్స కోసం ఆర్థిక సహాయం కోరిన ఇద్దరు బాధితులకు ముఖ్యమంత్రి సహాయనిధి నుంచి రూ.9.74 లక్షల విలువైన లెటర్స్ ఆఫ్ క్రెడిట్ (ఎల్ఓసీ) పత్రాలు మంజూరయ్యాయి. విజయవాడ పశ్చిమ నియోజకవర్గ ఎమ్మెల్యే సుజనా చౌదరి చొరవతో మంజూరైన ఈ పత్రాలను మంగళవారం 37వ డివిజన్ కార్పొరేటర్ గుడిపాటి కిషోర్, ఎమ్మెల్యే కార్యాలయ కార్యదర్శి ప్రత్తిపాటి శ్రీధర్ కూటమి నాయకులతో కలిసి బాధిత కుటుంబాలకు అందజేశారు. కిడ్నీ వ్యాధి చికిత్సకు రూ.6.48 లక్షలు విజయవాడ వాగు సెంటర్‌కు చెందిన కోరాడ లక్ష్మీ (41) మూత్రపిండాల వ్యాధితో బాధపడుతూ మెరుగైన వైద్య చికిత్స కోసం ఆర్థిక సహాయం కోరారు. ఆమె పరిస్థితిని ఎమ్మెల్యే సుజనా చౌదరి దృష్టికి తీసుకెళ్లడంతో ముఖ్యమంత్రి సహాయనిధి నుంచి రూ.6.48 లక్షల విలువైన ఎల్ఓసీ మంజూరైంది. సంబంధిత పత్రాలను కుటుంబ సభ్యులకు అందజేశారు. మరో బాధితుడికి రూ.3.26 లక్షలు భవానీపురానికి చెందిన పఠాన్ జావేద్ ఖాన్ (46) కిడ్నీలో రాళ్ల సమస్యతో బాధపడుతూ వైద్య సహాయం కోసం దరఖాస్తు చేసుకున్నారు. ఆయన చికిత్స నిమిత్తం ముఖ్యమంత్రి సహాయనిధి నుంచి రూ.3.26 లక్షల విలువైన ఎల్ఓసీ మంజూరు కావడంతో సంబంధిత పత్రాలను అందజేశారు. తమ అభ్యర్థనలపై స్పందించి మెరుగైన వైద్య చికిత్స కోసం ఎల్ఓసీ పత్రాలు మంజూరయ్యేలా కృషి చేసిన ఎమ్మెల్యే సుజనా చౌదరికి బాధితుల కుటుంబ సభ్యులు కృతజ్ఞతలు తెలిపారు. ఈ కార్యక్రమంలో మాజీ కార్పొరేటర్లు యేదుపాటి రామయ్య, గుడివాడ నరేంద్ర రాఘవ, స్టాండింగ్ కమిటీ మాజీ చైర్మన్ దాడి అప్పారావు, కూటమి నాయకులు బెన్నా భక్తుల సోమేశ్వరరావు, కురాకుల సురేష్, పచ్చవ మల్లికార్జునరావు, బ్రహ్మరెడ్డి తదితరులు పాల్గొన్నారు.