అన్నదాన కార్యక్రమంలో పాల్గొన్న సీఐ లక్ష్మీనారాయణ

విజయవాడ క్రైమ్, అక్టోబర్ 25: విజయవాడలోని శ్రీ దుర్గాభవానీ సమేత నీలకంఠేశ్వర పీఠంలో నిర్వహించిన అన్నదాన కార్యక్రమంలో సత్యనారాయణపురం పోలీస్ స్టేషన్ సర్కిల్ ఇన్‌స్పెక్టర్ లక్ష్మీనారాయణ పాల్గొన్నారు. ఈ సందర్భంగా ఆలయంలో నిర్వహించిన ఆధ్యాత్మిక కార్యక్రమానికి హాజరైన ఆయన సేవా కార్యక్రమంలో భాగస్వాములయ్యారు. అన్నదానం మహాదానం అనే నానుడికి అనుగుణంగా ఆకలితో ఉన్నవారికి ఆహారం అందించడం గొప్ప మానవతా సేవ అని పలువురు పేర్కొన్నారు. కులమతాలకు అతీతంగా ప్రతి ఒక్కరికీ అన్నం అందించే ఇటువంటి కార్యక్రమాలు సమాజంలో మానవత్వాన్ని, సోదరభావాన్ని పెంపొందిస్తాయని అభిప్రాయపడ్డారు. ఆధ్యాత్మికతతో పాటు సేవా దృక్పథాన్ని చాటిచెప్పే కార్యక్రమాల్లో పోలీసు అధికారులు పాల్గొనడం అభినందనీయమని పేర్కొన్నారు. సమాజహితం కోసం ఇటువంటి సేవా కార్యక్రమాలు మరింత విస్తరించాలని ఆకాంక్షించారు.