జై షా పునర్నియామకం భారత్కు గర్వకారణం!
జై షాకు శుభాకాంక్షలు తెలిపిన మంత్రి నారా లోకేష్… ఆయన నాయకత్వంపై ప్రపంచ క్రికెట్కు అపార నమ్మకం… క్రికెట్ను మరింత ఉన్నత శిఖరాలకు తీసుకెళ్లాలని ఆకాంక్ష…

విజయవాడ, నవంబర్ 16: అంతర్జాతీయ క్రికెట్ మండలి (ఐసీసీ) ఛైర్మన్గా జై షా రెండోసారి ఏకగ్రీవంగా ఎన్నిక కావడంపై రాష్ట్ర విద్య, ఐటీ శాఖ మంత్రి నారా లోకేష్ హర్షం వ్యక్తం చేశారు. జై షాకు హృదయపూర్వక శుభాకాంక్షలు తెలిపారు. ప్రపంచ క్రికెట్లో ఆయన సంపాదించుకున్న విశ్వాసానికి ఏకగ్రీవ నిర్ణయమే నిదర్శనమని పేర్కొన్నారు. సోమవారం సామాజిక మాధ్యమం వేదికగా స్పందించిన లోకేష్, జై షా పునర్నియామకం భారతదేశానికి గర్వకారణమని అభివర్ణించారు. అంతర్జాతీయ క్రికెట్ అభివృద్ధికి ఆయన అందిస్తున్న నాయకత్వం ప్రశంసనీయమన్నారు. ప్రపంచవ్యాప్తంగా క్రికెట్కు మరింత ఆదరణ పెంచడంతో పాటు క్రీడను ఉన్నత శిఖరాలకు తీసుకెళ్లాలని ఆకాంక్షించారు. ఇండోనేషియాలోని బాలిలో జరిగిన ఐసీసీ బోర్డు సమావేశాల్లో జై షాను రెండోసారి ఛైర్మన్గా కొనసాగించేందుకు సభ్యులు ఏకగ్రీవంగా ఆమోదం తెలిపారు. 2024 డిసెంబర్లో తొలిసారి ఐసీసీ ఛైర్మన్గా బాధ్యతలు చేపట్టిన జై షా, మరోసారి ఆ పదవికి ఎంపికయ్యారు. ఈ నిర్ణయంతో అంతర్జాతీయ క్రికెట్ పరిపాలనలో ఆయన నాయకత్వం కొనసాగనుంది.

