కోనసీమలో మరోసారి గ్యాస్ లీక్.. భయాందోళనలో జనం!

కోనసీమ: డాక్టర్ బీఆర్ అంబేద్కర్ కోనసీమ జిల్లాలో మరోసారి గ్యాస్ లీకేజీ ఘటన కలకలం రేపింది. మలికిపురం మండలం ఇరుసమండ గ్రామం వద్ద ఓఎన్‌జీసీ పైప్‌లైన్ నుంచి భారీగా గ్యాస్ లీకవుతున్నట్లు సమాచారం. దీంతో స్థానిక ప్రజలు తీవ్ర భయాందోళనకు గురయ్యారు. విషయం తెలుసుకున్న ఓఎన్‌జీసీ సాంకేతిక నిపుణులు ఘటనా స్థలానికి చేరుకుని లీకేజీని పరిశీలిస్తున్నట్లు తెలిసింది. గతంలోనూ జిల్లాలో ఇలాంటి ఘటనలు చోటుచేసుకున్న నేపథ్యంలో స్థానికులు ఆందోళన వ్యక్తం చేస్తున్నారు. గ్యాస్ లీకేజీని తక్షణమే అరికట్టి ప్రజల భద్రతకు చర్యలు చేపట్టాలని కోరుతున్నారు.