83వ డివిజన్‌లో వైసీపీ అభ్యర్థి తేలుకుట్ల దేవి ఇంటింటి ప్రచారం

పాయకాపురం, అక్టోబర్ 27 : విజయవాడ నగరపాలక సంస్థ ఎన్నికల నేపథ్యంలో 83వ డివిజన్ వైఎస్సార్ కాంగ్రెస్ పార్టీ కార్పొరేటర్ అభ్యర్థి తేలుకుట్ల దేవి మంగళవారం విస్తృతంగా ఇంటింటి ఎన్నికల ప్రచారం నిర్వహించారు. డివిజన్ పరిధిలోని ప్రతి ఇంటికీ వెళ్లి స్థానిక ప్రజలను ఆప్యాయంగా పలకరిస్తూ వారి సమస్యలను అడిగి తెలుసుకున్నారు. ఈ సందర్భంగా వైసీపీ నాయకులు గతంలో పార్టీ అమలు చేసిన సంక్షేమ కార్యక్రమాలను ప్రజలకు వివరించారు. రానున్న నగరపాలక సంస్థ ఎన్నికల్లో ఫ్యాను గుర్తుకు ఓటు వేసి తేలుకుట్ల దేవిని భారీ మెజారిటీతో గెలిపించాలని ఓటర్లను అభ్యర్థించారు. ప్రజలకు అందుబాటులో ఉంటూ డివిజన్ అభివృద్ధికి, స్థానిక సమస్యల పరిష్కారానికి కృషి చేస్తానని తేలుకుట్ల దేవి తెలిపారు. ఈ ఎన్నికల ప్రచార కార్యక్రమంలో వైసీపీ నాయకులు మస్తాన్‌బీ తదితరులు పాల్గొన్నారు.