ఎన్‌టీఆర్ జిల్లాకు మంచి పేరు తీసుకురావాలి: కలెక్టర్ డాక్టర్ జి. లక్ష్మీష

విజయవాడ, ఆగస్టు 6 (వి10 టీవీ): విజయవాడ ఎంబీసీ మున్సిపల్ స్టేడియంలో జరుగుతున్న అమరావతి ఛాంపియన్‌షిప్ హాకీ పోటీలను ఎన్‌టీఆర్ జిల్లా కలెక్టర్ డాక్టర్ జి. లక్ష్మీష గురువారం పరిశీలించారు. ఈ సందర్భంగా క్రీడాకారులతో మాట్లాడి వారి ప్రతిభను అభినందించిన కలెక్టర్, రాష్ట్ర స్థాయిలో ఎన్‌టీఆర్ జిల్లాకు మంచి పేరు తీసుకురావాలని ఆకాంక్షించారు. పోటీల నిర్వహణ, క్రీడాకారులకు కల్పిస్తున్న సౌకర్యాలపై అధికారులను అడిగి తెలుసుకుని అవసరమైన సూచనలు చేశారు. క్రీడల అభివృద్ధికి జిల్లా యంత్రాంగం పూర్తి సహకారం అందిస్తుందని కలెక్టర్ డాక్టర్ జి. లక్ష్మీష తెలిపారు.