80వ డివిజన్‌లో వైసీపీ ఎన్నికల ప్రచారం

పాయకాపురం, అక్టోబర్ 27: విజయవాడ నగరపాలక సంస్థ ఎన్నికల నేపథ్యంలో 80వ డివిజన్‌లో వైఎస్సార్ కాంగ్రెస్ పార్టీ ఎన్నికల ప్రచారం నిర్వహించింది. పార్టీ కార్పొరేటర్ అభ్యర్థి ఎం.డి. గౌసియా బేగమ్‌కు మద్దతుగా మాజీ ఎమ్మెల్యే మల్లాది విష్ణు, వైసీపీ మేయర్ అభ్యర్థి రాయన భాగ్యలక్ష్మి ప్రచారంలో పాల్గొన్నారు. ఈ సందర్భంగా డివిజన్‌లోని పలు వీధుల్లో ఇంటింటికీ వెళ్లి స్థానిక ప్రజలను కలిశారు. కార్పొరేటర్ అభ్యర్థి గౌసియా బేగమ్‌ను గెలిపించాలని, ఫ్యాన్ గుర్తుపై ఓటు వేయాలని ఓటర్లను అభ్యర్థించారు. ప్రజల సమస్యలను తెలుసుకుంటూ ఎన్నికల ప్రచారాన్ని కొనసాగించారు. ఈ కార్యక్రమంలో స్థానిక వైఎస్సార్ కాంగ్రెస్ పార్టీ నాయకులు, కార్యకర్తలు పాల్గొన్నారు.