డిప్యూటీ చైర్మన్ పదవికి తూమాటి మాధవరావు నామినేషన్

అమరావతి, ఆగస్టు 18: ఆంధ్రప్రదేశ్ శాసన మండలి డిప్యూటీ చైర్మన్ పదవికి వైఎస్సార్‌సీపీ ఎమ్మెల్సీ తూమాటి మాధవరావు నామినేషన్ దాఖలు చేశారు. శాసన మండలి ప్రతిపక్ష నేత బొత్స సత్యనారాయణ ఆధ్వర్యంలో పార్టీ ఎమ్మెల్సీలతో కలిసి ఆయన నామినేషన్ పత్రాలను సంబంధిత అధికారులకు సమర్పించారు.

ఈ సందర్భంగా వైఎస్సార్‌సీపీ ఎమ్మెల్సీలు తూమాటి మాధవరావుకు మద్దతు ప్రకటించారు. నామినేషన్ కార్యక్రమంలో శాసన మండలి ప్రతిపక్ష నేత బొత్స సత్యనారాయణతో పాటు పలువురు పార్టీ ఎమ్మెల్సీలు పాల్గొన్నారు.

డిప్యూటీ చైర్మన్ పదవికి జరుగుతున్న ఎన్నికలో వైఎస్సార్‌సీపీ తరఫున తూమాటి మాధవరావు బరిలో నిలవడంతో మండలి రాజకీయాల్లో ఆసక్తి నెలకొంది.