రేవంత్‌కు ‘గోల్డ్ రాఖీ’.. సురేఖ వ్యాఖ్యల్లో ఆసక్తికర సంకేతం!

హైదరాబాద్, ఆగస్టు 28: రక్షాబంధన్ సందర్భంగా తెలంగాణ ముఖ్యమంత్రి రేవంత్ రెడ్డికి మంత్రి కొండా సురేఖ ప్రత్యేకంగా తయారు చేయించిన గోల్డ్ రాఖీని కట్టి శుభాకాంక్షలు తెలిపారు.

ఈ సందర్భంగా మంత్రి సురేఖ మాట్లాడుతూ ముఖ్యమంత్రి రేవంత్ రెడ్డితో పాటు తన అల్లుడు, మనవడికి కూడా రాఖీలు కట్టినట్లు తెలిపారు. సీఎం నుంచి భరోసా దక్కిందా? అని విలేకరులు ప్రశ్నించగా, ‘‘పండుగ వేళ అలాంటి కామెంట్స్ చేయదలచుకోలేదు. అన్న రేవంత్ ఆశీర్వాదాలు నాతో సహా ఆడపడుచులందరికీ ఉంటాయి’’ అని పేర్కొన్నారు.

సీఎం నాయకత్వంలో తెలంగాణ అభివృద్ధి పథంలో ముందుకు సాగాలని ఆకాంక్షించినట్లు వార్తా కథనంలో పేర్కొన్నారు.