రౌడీషీటర్లకు పోలీసుల గట్టి హెచ్చరిక!

విజయవాడ, నవంబర్ 8: రౌడీషీటర్లు తమ ప్రవర్తనలో మార్పు తెచ్చుకుని సమాజంలో సత్ప్రవర్తనతో మెలగాలని మాచవరం పోలీస్ స్టేషన్ సీఐ చంద్రశేఖర్ సూచించారు. ఆదివారం పోలీస్ స్టేషన్‌లో రౌడీషీటర్లకు ప్రత్యేక కౌన్సెలింగ్ నిర్వహించి పలు సూచనలు చేశారు. గతంలో నేరాలకు పాల్పడిన వారు తిరిగి అసాంఘిక కార్యకలాపాల వైపు వెళ్లకుండా ప్రశాంత జీవనం సాగించాలని సూచించారు. చట్టవ్యతిరేక కార్యకలాపాలకు దూరంగా ఉండాలని, ప్రజలకు ఎలాంటి ఇబ్బందులు కలిగించకుండా బాధ్యతాయుతంగా వ్యవహరించాలని స్పష్టం చేశారు. సమాజంలో శాంతిభద్రతలకు విఘాతం కలిగించే చర్యలకు పాల్పడితే చట్టప్రకారం కఠిన చర్యలు తీసుకుంటామని హెచ్చరించారు. రౌడీషీటర్లు తమ జీవనశైలిని మార్చుకుని మంచి మార్గంలో నడవాలని, చట్టాన్ని గౌరవిస్తూ జీవించాలని సూచించారు.