ఘోర రోడ్డు ప్రమాదం.. ట్రాఫిక్ డీసీపీ కుమార్తె మృతి

గుంటూరు: గుంటూరు జిల్లా పెదకాకాని వద్ద ఆదివారం సాయంత్రం జరిగిన ఘోర రోడ్డు ప్రమాదంలో విజయవాడ ట్రాఫిక్ డీసీపీ కుమార్తె మృతి చెందినట్లు సమాచారం. విజయవాడ నుంచి గుంటూరు వైపు వెళ్తున్న కారును లారీ ఢీకొట్టడంతో ఈ ప్రమాదం చోటుచేసుకున్నట్లు తెలుస్తోంది. ఢీకొన్న తీవ్రతకు కారు భారీగా ధ్వంసమైంది. కారులో ప్రయాణిస్తున్న యువతి తీవ్ర గాయాలతో అక్కడికక్కడే మృతి చెందినట్లు సమాచారం. ఘటనపై సమాచారం అందుకున్న పోలీసులు సంఘటనా స్థలానికి చేరుకుని పరిశీలించారు. ప్రమాదానికి దారితీసిన పరిస్థితులపై కేసు నమోదు చేసి దర్యాప్తు చేస్తున్నట్లు సమాచారం.